BUTUAN CITY – Na-aresto sa mga otoridad suod sa usa ka computer shop sa Bambang sa Tondo, Manila ang usa ka inahan tungod sa pagpamaligya matud pa og mga law-ay nga videos sa iyang mga anak.
Sigon sa Manila Police District (MPD), ang mga biktima nga anak sa suspetsadong gitago lang sa pangalang Nimpha, nag-edad og 7-anyos, 10-anyos nga batang lalaki ug usa ka 14-anyos nga teenager.
Sigon ni P/Captain Veronica Apresurado, hepe sa Women and Children’s Protection Desk sa Manila Police District, nabulabog ang gihimo sa suspetsado dihang nanghulam kini og cell phone ug gi-log in ang iyang account apan nakalimtan pag-logout.
Gibutyag niini nga usa matud pa ka langyaw ang misaad kaniya nga padalhan og P10,000.00 bugti sa mga law-ay nga videos sa iyang mga anak nga iyang ipadala.
