BUTUAN CITY – Gi-isa na sa Philippine Institute of Volcanology and Seismology kon PhiVolcs sa alert Level 3 ang bulkang Kanlaon sa Negros prvinces gikan sa alert level 2 human ang pagbusikad sa summit vent niini pasado alas- 3:03 kagahapon sa hapon.
Ang pagbusikad naghatag og baga nga plume sa gitaas-ong 3-mil metros ug natunaw sa may kasadpan habagatang kasadpang parte sa bulkan.
Sa pagtaas sa alert level 3 sa bulkan, kini nagpasabot sa magmatic unrest kon pagsugod sa magmatic eruption nga mahimong maghatag og mas dakong pagbusikad.
Subay niini, gitambagan ni Ma. Antonio Bornas, chief sa Volcano Monitoring and Eruption Prediction Division sa PhiVolcs ang tanang lokal nga kagamhanan palibot sa Kanlaon, pagpahikling na sa ilang mga residente nga anaa sulod sa 6-kilometer nga danger zone tungod sa posibleng dakong pagbusikad.
Gipa-amping usab ni PhiVolcs Director Dr. Teresito Bacolcol ang mga residente sa pagbaha sa lahar ugaling mobundak ang kusog nga ulan. Gibawal usab sa Phivolcs ang paglupad sa bisan unsang aircraft sa tumoy sa bulkan.
