BUTUAN CITY – Gikumpirma ni United States President Joe Biden nga hingpit nang nahulog sa kamot sa mga rebelde sa Syria ang capital Damascus human ang 13 ka mga tuig nga civil war ubos sa pagdumala ni President Bashar al-Assad ug kapin tunga sa dekada nga brutal nga kadumalahan niini.
Ang rehimeng Asad matud pa ang responsable sa pagpamatay sa libuang mga sibilyan hinungdan sa pag-alsa na sa mga sundalo nga suportado usab sa katawhan.
Kini na matud pa ang makasaysayanong kahigayunan nga maghimo og maayong ugma dili lang alang sa maong nasud kondili apil na sa mismong katawhan.
Dugang sa presidente, samtang naghulat ang tibuok kalibutan sa sunod nga mahitabo, andam matud pang makig-alayon ang ilang kagamhanan ngadto sa ilang mga partners ug mga stakeholders sa Syria alang maayo unya nga pagdumala sa maong nasud.
