BUTUAN CITY – Gihagit ni Pangulong Ferdinand Marcos Jr. ang mga sundalo nga magpabiling naka pokus sa ilang misyon bisan paman sa mga kagubot ug kabanha sa palibot ilabina ang isyu sa pulitika.
Gihimo ni Bongbong Marcos ang pamahayag human mibisita sa Southern Luzon Command (SOLCOM) sa Camp General Guillermo Nakar sa lalawigan sa Quezon kagahapong adlawa.
Gipahinumdum sa Pangulo nga ang trabaho sa mga sundalo ang ipabilin ang kalinaw ug protektahan ang katawhan.
Samtang ang misyon sa Pangulo paanindoton ang Pilipinas ug dili aron makig-away sa walang kwentang butang. Gitumbok sa Presidente nga usa lang ang misyon sa tanan ug kini ang depensahan ang katawhan ug ang Republika sa Pilipinas.
Gisiguro usab ni Pangulong Marcos jr sa mga sundalo ang tibook suporta sa administrasyon sa AFP, PNP, ug tanang nagserbiysyu sa ilalom sa SOLCOM. Kini dayung pagtumbok sa sa panaghiusa aron maseguro ang kalinaw, seguridad, ug kaluwasan sa katawhan ug teritoryo sa Pilipinas
