BUTUAN CITY – Nagtoo ang usa ka abogado nga dili moresulta sa pagpahamtang og penalidad ngadto kang Vice President Sara Duterte ang duha ka disbarment case nga iya karung gi-atubang.
Nasayran nga gikumpirma sa Department of Justice nga nakadawat sila og ikaduhang disbarment case batuk sa besi presidente.
Ang usa niini gikan kang Presidential Adviser on Poverty Alleviation (PAPA) Sec. Larry Gadon kansa disbarred usab nga abogado og ang usa anonymous lang.
Sigon ni Atty. Dennis Bacala, Board of Director sa Integrated of the Philippines kon IBP-Agusan Del Norte Chapter og kanhe Board of Governor nga nag-atiman sa mga disbarment cases, nga seguradong ang gamiton nga grounds sa maong mga kaso mao lamang ang pamahayag sa besi presidente.
Apan nagtoo si Atty. Bacala nga sa kaso ni Vice President Sara Duterte, usa lang ka pagpagawas sa emosyun ang iyang pamahayag og walay malisyosong tumong. Usa matud pa kini ka justifiable circumstances nga ginalantaw sa mga abogado ilabina kay sa kabahinan sa besi presidente, iya nang nabati nga gilutos siya og ang iyang mga tawo.
Tungod niini, posibleng ma-absuwelto siya diin pahimangnoan lang nga dili na usbon ang maong pamahayag. E-repremand matud pa ang besi presidente apan walay penalty.
Giklaro usab sa abogado nga ugaling madisesyonang e-disbar ang besi presidente mamahimo pa gihapon siyang mosang-at og motion for reconsideration.
