BUTUAN CITY – Makumpromiso ang seguridad ug kaluwasan ni Vice President Sara Duterte sa pag-ilis sa military personnel nga naka-deploy kaniya ilalom sa Vice President Security and Protection Group kon VPSPG apil na ang pag-ilis kang commander Col. Raymond Dante Lachica.
Sigon ni Professor Gerry Caño, presidente sa Professional Criminology Association of the Philippines kon PCAP, dakong re-orientation, re-education, re-tooling ug redirection ang pagpuli og security personnel tungod sa kawala nila’y kahibalo kung unsa nga mga butang ang angayang bantayan, mga buhaton ug uban pang lihok sa besi-presidente.
Giklaro ni Caño nga personal choice ang pagpili og security details ilabina nga nagkinahanglan kini og familiarity ug kung dinali-an gayod ang pagpa-ilis sa gobyerno niini, klaro matud pa kaayo nga gusto nilang ma-compromise ang seguridad ug kaluwasan ni VP Sara Duterte.
Gitu-uhan ni Caño nga posibleng gi-impluwensyahan ang kasundaluhan nga maoy naghatag og seguridad sa besi presidente tungod sa bangi sa pulitika.
Ingon niini usab matud pa ang gihimo kaniadto sa panahon ni kanhi Pangulong Gloria Macapagal-Arroyo ngadto kang kanhi usab Pangulong Cory Aquino tungod sa ilang managlahing baruganan. Dili matud pa layo ang maong posibilidad tungod kay kung duna’y dautang mahitabo sa besi-presidente, ma-apektuhan man niini ang tanan.
