BUTUAN CITY – Mikalas sa 35 ka mga tawo ang pagdaro sa sakyanan ngadto sa usa ka sports center sa Zhuhai, China nga gibansagang pinakadogoong panghitabo sa maong nasud sulod sa pila ka mga dekada.
Sumala sa kapulisan sa Zhuhai, kalit na lang nga giligsan sa maong sakyanan ang grupo sa mga tawo nga nag-ehersisyo sa gawas sa sports center.
Na-aresto sa kapuisan ang 62-anyos nga lalaki nga nailhang si Fan nga misulay pa sa pagsibat ngadto sa Zhuhai Sports Center apan dihang na-corner sa kapulisan, giluba nini ang iyang kaugalingon rason sa iyang pagka-coma nga karun gilandig sa balay-tambalanan.
Muabot usab sa 43 ang samaran nga gidala sa ospital. Nasuta sa kapulisan nga ang suspek, wala na kini nagmalipayon sa kinabuhi human sa pakigbulag sa asawa nga tungod matud pa sa away sa kabtangan.
Sa karun wala una gipagawas ang pangalan sa mga biktima ug padayon ang naghalad na og mga bulak ang katawhan sa lugar nga nahitaboan.
