BUTUAN CITY – Gikumpirma sa Philippine National Police kon PNP nga tulo na ang patay sa Bicol Region sa pagkuso-kuso sa bagyong Kristine.
Sigon ni PBGeneral Andre Dizon, regional director sa Police Regional Office kon PRO-5, natala ang tag-usa ka patay sa mga lalawigan sa Catanduanes, Masbate ug Camarines Sur gawas pa sa unom nga angol ug usa nga missing.
Gisubay pa usab sa kapulisan kung duna bay kalabutan sa bagyo ang pagkamatay sa usa pa ka indibidwal sa Pulangui, Albay.
Nagpadayon pa usab ang search and rescue operation sa kapulisan sa 3rd district sa Albay ug sa Camarines Sur tungod sa lapad nga pagbaha samtang nakig-alayon sa mga local government units ug mga concerned government agencies aron makatabang sa pagtunol og hinabang ngadto sa mga apektadong pamilya.
