BUTUAN CITY – Tulo ang patay samtang duha ang anaa sa kritikal nga kahimtang samtang usa ang luwas na human nagbangga ang tulo ka mga motorsiklo ug usa ka Spots Utility Vehicle kon SUV didto sa Barangay Valladolid, Carcar City, ning mi-aging adlaw.
Patay nang naka-abot sa ospital sila Klaudet Powao Tobilla, 22-anyos, Ian Flores, 21-anyos ug Ronel Medina, 23-anyos samtang kritikal usab sila Alison Jose Santos, 27-anyos ug Axel Dela Cerna, 18-anyos ug naka-angkon lang og minor injuries si Trisia Nicole Monter, 22-anyos.
Base sa imbestigasyon sa Carcar City police investigation, ang wala’y tatsa nga SUV driver nga si Rob Joseph Orias, usa ka Sangguniang Kabataan kon SK councilor sa Barangay Liburon, hubog matud pa nga nagmaneho sa iyang sakyaan.
Anaa na sa kostudiya sa kapulisan si Orias, samtang nanghinaut ang inahan sa usa sa mga biktima nga abagahon sa SK councilor ang tanang galastuhan.
