BUTUAN CITY – Naka-abot na sa lungsod sa Sibuco, Zamboanga del Norte ang mga imbestigador sa Federal Bureau of Investigation (FBI) gikan sa Estados Unidos aron imbestigahan ang pagkabihag ni American content creator Elliot Oniel Eastman, 26-anyos ug naminyo og taga-Sibuco.
Daling nakigtagbo ang mga FBI agents kang Sibuco Mayor Joel Ventura adiser nila gi-adto ang balay sa Pinay nga asawa ni Eastman sa Sitio Tungawan, Barangay Poblacion. Gi-ubanan sila sa mga opisyal sa Sibuco Municipal Police Station ug mga barangay officials aron makakuha og mga importanteng impormasyon nga makatabang sa paspas nga rescue operation alang kang Eastman.
Gipaniguro sa FBI ang ilang pagpabilin sa maong lugar aron masiguro ang kaluwasan sa asawa ni Eastman. Nasayrang halos lima ka buwan nang nagpuyo si Eastman sa lugar human niya gipakaslan ang iyang Pinay nga asawa sa tradisyong Islam.
