BOMBO BUTUAN – Gikumpirma sa United States Embassy sa Manila nga gidagit si American content creator Elliot Onil Eastman, didto sa Sitio Tungawan, Brgy. Poblacion, Sibuco, Zamboanga del Norte, niadtong Huwebes sa alas-11 sa gabii (Oktubre 17).
Sigon sa Police Regional Office kon PRO-9, upat matud pa ka mga armadong lalaki ang nagpaka-aron ingnong mga law enforcement officers, ang pugsanong misulod sa iyang pinuy-anan. Nagdumili pag-uban si Eastman apan gipusil siya sa iyang paa ug daling gikarga sa bangka nga anaa naghulat daplin sa dagat.
Sigon ni Brigadier General Bowenn Joey Masauding, Police Regional Office-9 director, si Eastman nga taga-Hinesborg, Vermont, gitu-uhang gidagit sa mga memro sa Abu Sayyaf members. Apil sa mga content creations ni Eastman ang inadlaw-adlaw nga pagpakabuhi sa Zamboanga del Norte, ug uban pa.
Duna na siya’y 2.9-mil ka mga followers sa Facebook, kondiin iyang gihulagway ang iyang kaugalingon nga usa ka photographer, ug duna usab siya’y 1,024-mil ka mga subscribers sa YouTube.
Naglusad na ang kapulisan og hot pursuit operation batuk sa mga suspetsado ug mas gipalawman pa ang ilang imbesigasyon sa maong insidente Nasayrang kasado si Eastman ngadto sa usa ka babaye sa lungsod sa Sibuco.
