BUTUAN CITY – Gi-finalize na sa mga otoridad ang mga kasong ilang ipasaka batuk sa usa ka 40-anyos nga lalaking mipasipala sa usa ka 13-anyos nga dalagita pinaagi sa pagdakdak og bato sa iyang nawong pagsulay pa paglugos kaniya sa Barangay Campanun-an, Mabinay, Negros Oriental.
Natigayon kini niadtong Martes sa alas-6:00 sa buntag dihang nagbaklay ang biktima padulong sa eskwelahan kondiin kalit siyang gibira sa katubuhan sa suspetsadong si Nelson Nasario kondiin nakita kini sa duha ka mga lalaking estudyante usab nga nagsunod sa biktima ug daling misumbong sa mga barangay tanods.
Didto ilang nakita ang usa ka kinabot nga bangag nga usa ka metro ang giladmon ug atua gibutang ang biktima.
Gitu-uhang duha ka buwan nga gikalot sa suspetsado ang maong bangag.
Narekober ang biktima nga wala na’y sayal ukg gi-ablihan na ang iyang pangtaas nga uniform ug dagha’y samad sa nawong tungod sa pagdakdak sa suspetsado og bato.
Daling nasikop ang suspetsado uban sa tabang sa mga pulis ug CAFGU members sa ilang lugar.
Nasayrang nadakpan na usab kini kaniadto tungod sa paglugos sa iyang kaugalingong anak gikan sa una niyang kaminyuon.
