BUTUAN CITY – Gikumpirma ni Foreign Affairs Usec. Eduardo de Vega ang report sa Saudi Arabia, kalabot sa usa ka Pinoy nga gihukman og kamatayon, bag-uhay lang. Sigon ni De Vega, kasong pagpatay ang gi-atubang sa atong wala pa panganling kababayan human niini napatay ang usa ka Saudi national.
Sigon sa DFA, gihatag sa gobyerno ang tanang tabang aron maluwas ang maong Pinoy, apan bug-at ang ebidensya rason nga bitay ang gipahamtang kaniyang silot. Wala na muhatag pa og dugang pang impormasyon kalabot niini ang DFA isip respeto matud pa sa hangyo sa pamilya niini dinhi sa Pilipinas.
Padayon usab nga gi-alalayan sa DFA ang uban pang Pilipino sa Saudi ug lain pang mga nasud nga duna’y Pinoy nga anaa sa death row. Gi-abaga sa gobyerno ang tanang gaastuhan sa ilang legal services aron masigurong madepensahan sila sa gi-atubang nilang mga kaso
