BUTUAN CITY – Gila-umang sugod karong adlawa Oktubre 7 hangtud ugma Martes, Oktubre 8, dagsaon sa mga magpapili sa May 2025 mid-term elections ang filing venue sa Commission on Elections kon COMELEC-Butuan aron pag-file sa ilang sertipiko de kandidatura.
Sumala ni Atty. Tristan Niog, ang election officer ning siyudad, gila-uman na sa ilahang buhatan nga sa katapusang mga adlaw na magdasok ang mga mag-file sa ilahang certificate of candidacy kon COC.
Gikumperma sa opisyal nga tulo na ka mga mayoral aspirant candidates ang naka-file sa ilang certificate of candidacy kon COC nga gilangkuban nila Danny Boy Cublan, residente sa Brgy.Taguibo; Florencio Bunal Jr., alyas Pobreng Makaluluoy, residente sa Brgy. Taligaman ug ang nagduso kagahapon sa iyang COC nga si Dickston Morano nga taga-Brgy. Doongan.
Human sa COC filing karong Oktubre 8, ihatud na dayon sa COMELEC-Butuan ang maong mga certificates uban sa mga dokumento ngadto sa ilang sentrong buhatan. Karong tuiga, maglahi na pagsubmite sa mga Certificates of Candidacy ang Commission on Election kon COMELEC-Butuan tungod kay lone district naman kini samtang ang lungsod sa Las Nieves nga sakop nila kaniadto, ibalik na usab ngadto sa lone district sa Agusan del Norte.
