BUTUAN CITY – Gikahinaman karon ang nagkaduol nga pagbukas sa bag-ong season sa NBA tungod kay upat ka mga Filipino-American players ang gikuha sa nagkada-iyang koponan sa NBA pagpanguna ni Utah Jazz player Jordan Clarkson kinsa wala makadula sa mi-aging duha ka seasons tungod sa mga injuries.
Iya na lang kining gibakasyon samtang nagpa-ayo kondiin dinhi na siya gikuha sa Gilas Pilipinas aron mudula niadtong FIBA World Basketball World Cup. Samtang ang number 2 overall 2021 pick sa Houston Rockets nga si Jalen Green, ukupado na usab karon sa iyang pagka-amahan. Duna siya’y average nga less than 20 points ug nakatutok siya karon sa team goals.
Gipaniguro usab ni undrafted Fil-Am rookie Boogie Ellis nga ihatag niya ang tanan niyang makaya aron maghari ang Sacramento Kings. Usa sa mga inspirasyon niya sa pagdula ang pagkapili isip assistant coach ni PBA legend Jimmy Alapag kinsa anaa na sa ikaduha ka tuig isip assistant coach sa Kings.
Gikahinaman usab si Fil-Am player Ron Harper Jr tungod kay gikuha siya sa reigning NBA champion nga Boston Celtics gikan sa Toronto Raptors. Wala siya makadula sa mi-aging season tungod sa injury ug naka-uban na kini sa pre-season human giparot sa Celtics ang Denver Nuggets sa dula nila sa Abu Dhabi. Magsugod ang bag-ong season sa NBA karong Oktubre 22.
