BUTUAN CITY – Nagduso na sa iyang certificate of candidacy kon COC si outgoing congresswoman France Castro sa Alliance of Concerned Teachers kon ACT Partylist kinsa nangindahay nga mapadayon ang iyang legislative work sa Senado.
Si Castro kinsa hugot nga kritiko ni Vice President Sara Duterte ug sa iyang confidential funds, nagbutyag nga iyang hingusgan ang pagwala na sa mga confidential funds sa tanang mga opisyal sa gobyerno apil na sa pangulo, kung hatagan og higayon nga mapili sa upper chamber.
Gibutyag pa niini dihang gipangutana siya kung unsa usab ang iyang gihimo sa iyang pundo sulod sa iyang pagpangatungdanan sa kamara, gibutyag niini nga kanunay matud pa siyang nagsubmite sa iyang Statement of Assets, Liability and Networth kon SALN ug andam niya kining ipakita sa publiko.
Nasayrang milingkod si Castro isip representante sa ACT partylist sukad niadtong tuig 2016.
