BUTUAN CITY – Wala’y problema alang kang Pangulong Ferdinand ‘Bongbong’ Marcos Jr., ang pagbiya sa iyang maguwang nga si Senadora Imee Marcos sa Alyansa Para sa Bagong Pilipinas ug misaad nga mubarog nga independente. Bisan pa man sa maong desisyon, gipadayag sa pangulo nga abli kanunay ang Alyansa alang kaniya alang sa umalabot nga midterm polls.
Gipaniguro niini ngadto sa iyang igsoon nga padayong suportahan sa administrasyon ang iyang kandidatura. Madumdumang gi-anunsyo niadtong Sabado ni Senadora Imee Marcos ang iyang pag-withdraw gikan sa senatorial lineup sa iyang igsuon alang sa 2025 elections. Ang iyang anunsyo pinaagi sa video statement, gihimo duha ka adlaw human gipadayag sa pagulo ang 12 ka mga senatorial aspirants sa administration coalition nga naglakip kaniya.
Kini human siya gi-bash tungod kay namangka matud pa siya sa duha ka suba dayong klaro nga siya ang abtanan sa tanang suba tungod kay paningkamutan niyang matagbo ang tanang partido.
