BUTUAN CITY – Gipaniguro ni Bise Presidente Sara Duterte nga dili siya mokanaug sa pwesto tungod lang sa panawagan sa pipila ka mga magbabalaod sa Kamara kansa mugna sa wala niya pagsipot sa kamara alang sa budget deliberation sa pondo sa iyang opisina. Kahibaloang gi-asdang ni House Assistant Majority Leader Jil Bongalon kagahapong adlawa nga munaog nalang si Vice President Sara kung dili na niini kaya ang iyang pagka bise Presidente.
Dugang pa ni House Deputy Speaker Jayjay Suarez sa Quezon nga sukwahi matud pa ang dili pag-attend ni VP Sara sa Budget Deliberation sa gipanumpaan niining katungdanan. Apan sumala ni VP Sara, dili niya kinahanglang tubagon ang Young Guns, kon ang grupo sa mga batan-ong representante sa kongreso tungod kay ang angay lamang niyang tubagon, mao man ang 32 milyunes ka mga namutar og nagbutang kaniya sa pwesto isip Bise Presidente.
Saysay pa sa Bise Presidnete nga nasayod siya nga naghimo’g duha ka partikular nga senaryo ang kongreso, ang usa mao sila si Rep. France Castro ug kanhi Senador Antonio “Sonny” Trillanes IV nga dayag nga naningkamot alang sa impeachment niini, ingon man ang usa usab mao ang grupo sa kongreso nga Young Guns, kansa mao ang gapanawagan kaniya nga mo naug nalang sa iyahang katungdanan.
