-- ADVERTISEMENT --
BUTUAN CITY – Mi-abot na sa 25 ka mga tawo ang patay sa hini-usag epektong hatud sa mas mikusog nga southwest monsoon kon hanging habagat og sa upat ka mga tropical cyclones nga mi-igo sa Pilipinas.
Sigon sa National Disaster Risk Reduction and Management Council (NDRRMC), gawas sa mga namatay, mi-abot usab sa 13 ka mga tawo ang angol ug laing walo ang missing tungod sa mga bagyong Ferdie, Gener, Helen ug Igme.
Unom sa maong mga missing, natala sa MIMAROPA kon Mindoro, Marinduque, Romblon ug Palawan samtang duha sa Region 9. Mi-abot usab sa 1,963 ka mga barangays sa 13 ka mga rehiyon ang na-igo nga naka-apekto sa 1,449,293 ka mga indibdiwal.
