-- ADVERTISEMENT --
BUTUAN CITY – Malinawon nga napahigayon kagabii dinhi sa siyudad sa Butuan ang Luksang Bayan peace rally kon national indignation Rally dungan sa paghandom sa ika-52 nga anibersaryo sa deklarasyon sa martial law.
Gipangunahan ang maong panagtapok sa grupong Maisug kansa gipahigayon usab sa ubang lugar sa nasud sama sa Liwasang Bonifacio sa Manila, Plaza Independencia sa Cebu City, Surigao City, Bislig City ug uban pa.
Dinhi sa Butuan gihimo kini usa ka abandonadong mall sa Brgy. Libertad ning siyudad kondiin gihisgutan ang mga nag-unang isyu sa katilingban kansa naka-apekto na sa katawhan tungod sa wala pagtutok sa administrasyon sa klarong problema sa katawhang Pilipino nga mugna sa pag-una sa isyu sa pulitika.
