BUTUAN CITY – Andam na ang mga kalihukang giplastar sa lokal nga panggamhanan sa Nasipit, Agusan del Norte alang sa usa ka semanang selebrasyon sa kapistahan sa ilang patron nga si Senior San Jose sa Septembre 29.
Sa pakighinabi ning sibyahan kang Gary Agila, tigpamaba sa lokal nga kagamhanan, magsugod ang ilang kalihukan sa Septembre 21 apan sa gabii pa lang sa Septembre 20, Biernes, himuon na ang ilang Employees’ Night.
Bongga ang opening salvo sa Sabado, Septembre 21 tungod kay himuon na man ang 1st RDBP Asian Nasipit Longboard Competition nga himuon sa Brgy. Camagong-Sitio Hinandayan area gikan sa alas-otso sa buntag ngadto na sa alas-singko sa hapon. Gipaagi matud pa sa online ang rehistrasyon niini kondiin dina na’y mga skate boarders nga nagparehistro nga gikan sa mga nasud sa Thailand, Indonesia, Japan, Taiwan, Malaysia, China, Singapore ug Australia.
Adiser ang adlaw sa kompetisyon, hugot nga siguridad ang ipatuman sa lokal nga kagamhanan kondiin katambayayong sa kapulisan ang kasundaluhan uban sa mga force multipliers.
