BUTUAN CITY – Unom ka mga flights ang gikansela samtang laing 201 ang nadelatar sa Japanese airport niadtong weekend human nawala ang usa ka paresan sa guntng sa usa ka tindahan duol sa boarding gates.
Duha ka oras nga gisuspende ang security check sa New Chitose Airport domestic terminal sa Hokkaido niadtong Sabado sa buntag rason nga gatusang mga biyahidor ang temporaryong na-stranded.
Taas kaayo ang linya sa mga pasahero sa departure lounge aron lang subling mupa-ilalom sa security checks. Gipangita gayod sa mga otoridad ang nahanaw .
Gi-anunsyo na kagahapon sa Hokkaido Airport, ang operator sa New Chitose airport, nga napalgan ra ang gunting sa usa sa mga trabahante sa tindahan.
Sigon sa mga otoridad, wala gilayon sila magpahibalo hangtud nga ilang nakumpirma nga ang gunting nga nakit-an ug nawala mao ra.
Alayon niini, gimanduan sa Ministry of Land, Infrastructure, Transport and Tourism ang Hokkaido Airports nga imbestighan ang hinungdan sa pagkawala sa gunting ug likayan na nga mahitabo pa kini pag-usab.
