BUTUAN CITY – Dali rang natapos ang Olympic journey ni Filipino weightlifter John Ceniza kagabie human napakyas pag-alsa sa 125-kilogram sa ikatulo nga pagsulay ug ningrehistro kini og Did Not Finish kon DNF.
Pakyas ang Pinoy nga ma-alsa ang barbel atol sa snatch portion sa men’s 61-kg division nga gipahigayon sa South Paris Arena kagabie.
Klaro usab ang kagul-anan ni John human kini nakitang naghilak sa backstage, diin sumala niii nga napalong matud pa ang iyahang adrenalin, apan nagpasulabi ang kasakit sa iyahang injured nga abaga.
Kahibaloang dako ang pagsalig sa mga tawo ni John tungod kay ikalima man kini sa Olympic Qualification Ranking of the International Weightlifting Federation (IWF) nga gipahigayon sa Thailand niadtung Abril kondiin na-cleared sa maong atleta ang 132-kg sa snatch ug 168kg sa clean and jerk alang sa total nga 300-kg.
