BUTUAN CITY – Representahan ni Jay Maputi sa lungsod sa Buenavista, Agusan del Norte ang Caraga Region alang sa championship round sa Bombo Radyo and Star FM Bancarera 2024 nga himuon atol sa Tuna Festival sa General Santos City.
Kini human siya mikampyon sa 2nd leg sa Mindanao Circuit sa maong kompetisyon kaganina nga gihimo atol sa ika-74 nga kasumaran sa kasa-ulugan sa Adlaw Hong Butuan karong adlawa.
Gidugok sa bagang duot sa katawhan ang nasangpit nga racing kansa ikatulo ka higayon nang gipahigayon sa kadagatan sa Brgy. Masao ning siyudad kondiin karong tuiga, gihimo kini sa sa Z U beach resort.
Gidawat ni Maputi ang cash prize nga 20-mil pisos samtang 10-mil pisos usab ang nadawat sa nagsunod kaniyang si Arnie Bartolome nga taga-Cabadbaran City ug 5-mil pisos usab sa ikatulo nga si Junjun Maputi sa Buenavista, Agusan del Norte.
Ubay-ubay usab nga mga produkto sa Pioneer Epoxy kansa main sponsor sa maong kompetisyon ang ilang nadawat apil na niadtong wala nakadaukg uban usab sa tag-usa ka libo ka pisos nga consolation prize.
Karong Agusto 19 himuon ang 3rd leg sa Davao City samtang sa Cagayan de Oro City usab ang 4th leg adiser ang championship round.
