BUTUAN CITY – Usa ka grupo sa mga babaye sa Peru nga nailang “Phoenix Squad” ang padayong misikat tungod sa ilang pag-specialize nga mangdakop og mga malu-ibong partners dili lang sa capital Lima kondili sa entiro South American country.
Sa nakalabay’ng 20 ka mga tuig, ang Phoenix Squad wala’y hunong sa ilang trabaho pag-expose sa mga lu-ibang partners.
Sigon sa ilang founder nga si Jessica Melina, kapin na sa 10,000 ka mga kaso sa pagpanglu-ib ang ilang nasulbad sulod sa duha ka dekada gamit ang nagkada-iyang tools ug techniques, gikan sa old-fashioned detective work ngadto na sa drone surveillance ug gagmay kaayo nga mga hidden cameras.
Bisan og ang maong grupo wala mag-discriminate tali sa mga babaye ug mga lalaki kung hisgutan ang pagpanglimbong, apan sukad sa sinugdanan, usa lang ang ilang tatak, pulos mga babaye ang ilang mga sakop tungod kay nagtuo si Melina nga ha-um sila sa maong klase sa trabaho. .
