-- ADVERTISEMENT --
BUTUAN CITY – Padayon pa ang pagpanubay sa kapulisan sa Cateel, Davao Oriental aron ma-ilhan ang mga responsable ug masuta ang motibo sa ilang pagpusil-patay kang Kapitan Brendan Castro sa Brgy. Poblacion kagahapon sa alas-tres sa hapon.
Migawas sa inisyal nga imbestigasyon nga nagbarog matud pa sa gawas nga bahin sa bahin sa ilang barangay hall si Kapitan Castro dihang kalit lang mi-abot ang riding-in-tandem suspects dayong pusil kaniya sa nagkada-iyang parte sa lawas hinungdan sa iyang hinanaling kamatayon.
Nakuhaan og CCTV footage ang mga suspetsado apan dili maklaro ang ilang bayho tungod kay nakasuot sila og face mask ug nakakalo pa dihang daling misibat padulong sa wala pa matinong direksyon.
