BUTUAN CITY – Gipa-ilalom na sa post mortem examination ang patay’ng lawas sa unom ka mga tawo nga napalgang wala na’y kinabuhi sa usa ka luxury hotel suite Bangkok, Thailand.
Nagpabiling tanghaga ang hinungdan sa kamatayon sa mga biktima human unang gikabutyag nga duna matud pa’y milanog nga mga buto sa armas sa five-star Grand Hyatt Erawan Bangkok, apan gi-dismiss kini sa kapulisan sa rasong wala’y ebidensya nga duna’y nagpabuto.
Hinuon ilang gi-imbestigahan ang posibilidad nga nangamatay ang tulo ka mga babaye ug tulo ka mga tungod sa hilo.
Gikumpirma ni Thai prime minister Srettha Thavisin kinsa nakabisita sa crime scene nga pulos mga Vietnamese nationals ang mga biktima kondiin pipila kanila ang duna’y dual American citizenship.
Padayon pang gi-imbestigahan sa kapulisan ang motibo sa kremin dayong butyag nga ang ilang kamatayon, mugna sa tinuyo nga pagpatay ug dili suicide.