25-anyos nga babaye sa China, wala’y uyab tungod sa sobra kataas

BUTUAN CITY – Hangtud karon, nangita pa og uyab ang 25-anyos nga babaye sa China, kInsa 7’4 ka tiil ang gitas-on.

Si Xiao Mai nga lumulopyo sa Heilongjiang province,  no boyfriend since birth pa apan giklaro niini nga dili siya pilian ug nahitabo lang nga wala pa niya mahimamat ang lalaki nga magpapitik sa iyang kasingkasing, tungod sa sobra niya kataas.

Hangtod karon, daw gilikayan matud pa siya sa iyang mga potential admirers o mga lalaki tungod sa iyang height.

Gani, mas taas pa siya kay sa Guinness World Records tallest living woman nga si Rumeysa Gelgi, kansang gitas-on 7’7″ sa edad nga 27-anyos nga gikan sa Turkey.