BUTUAN CITY – Gi-anunsyo sa Sugar Regulatory Administration (SRA) nga mag-export ang nasud og 25,000-metrikong toneladang raw sugar sa Estados Unidos hangtud sa Agosto ning tuiga.
Sigon ni SRA Administrator Pablo Luis Azcona, kinahanglang mangabot kini sa maong nasud sa Septembre rason nga sunod buwan, sugdan na ang pagbiyahe sa mga niini.
Nasayrang nagpabiling taas ang buying price sa asukal sa Estados Unidos ug daghang exporters na usab ang naglaum nga makabaligya sila sa maong nasud sukwahi sa nahitabo kaniadto kondiin mas ubos ang qouta price sa US kaysa sa domestic price rason nga mas gipili nilang dinhi mag-export sa atong nasud.
Gipasabot sa SRA Chief nga tumong niini nga ma-stabilize ang local price sa asukal sa Pilipinas ilabina kung duna’y over production nga kasagarang mahitabo sa mga buwan sa Enero, Pebrero, ug Marso kondiin anaa sa peak sa milling season.
