Bugas-29 program sa Agriculture Dep’t, paningkamutang maka-abot sa Caraga Region

BUTUAN CITY – Paningkamutan sa Department of Agriculture nga maka-abot dinhi sa Caraga Region ang Bugas-29 program sa gobyerno nga gilusad ning mi-aging semana sa kauluhang Manila.

Sigon ni Department of Agriculture-Caraga Regional Executive Director Arlan Mangelen, ibaligya kini pinaagi sa Kadiwa Center kansa limitado lang sa tag-lima ka kilo kada-pamilya aron duna’y mapalit nga baratong bugas ang ubang katawhan subay na sa nagkataas nga presyo niini.

Dugang sa opisyal, ang maong klase sa bugas inisyal nang nabaligya ning rehiyon atol sa pagbisita ni Pangulong Marcos dihang gihatagan og ayuda and mga mag-uuma ug mga mangingisda kondiin mi-abot matud pa sa 800 ka mga tawo ang nakapalit og ta-upat lang ka kilo.