BUTUAN CITY – Muabot sa 8 ka tawo ang namatay human nasunog ang dakong office building dool sa Moscow, sigon ni regional Governor Andrey Vorobyov.
Sumala sa Emergency officials nga usa katawo ang naluwas gikan sakalayu nga miugdaw sa dakbalay sa Fryazino, mga 25-km ang gelayon sa north-east sa capital.
Duha katawo ang napatay human miambak sa bintana samtang unom ang patay sa dihang nahugno ang sulod nga parte sa opisina. Makita sa mga video ang bagang aso gikan sa ibabaw nga andana sa walo ka andana nga complex.
Sigon ni Vorobyov nga usa ka 34-anyos nga lalaki ang gidala sa hospital tungod sa seryosong condition samtang duha ka firefighters gitambalan usab human naka-angkon og injuries tungod sa sunog.
Gibutyag sa mga Emergency ministry officials nga kapin sa 130 katawo og duha ka helicopters ang nagtinabangauy sa pagpalong sa kalayu. Wala pa natumbok ang hinungdan sa sunog apan nagsugod matud pa kini sa ika-unom nga andana.
Muabot sa 30 ka kompanya ang mirenta sa mga opisina sa maong dakbalay.
