BUTUAN CITY – Gidugok sa bagang duot sa katawhan ang Surigao del Sur Sports Complex, sa Tandag City kaganinang buntag tungod sa gihimong distribusyon sa presidential assistance ngadto sa mga mag-uuma, mangingisda uban sa ilang pamilya kaganina.
Unang mi-abot sila Interior and Local Government Sec. Benhur Abalos Jr., Social Welfare and Development Sec. Rex Gatchalian, ug mga tag-as nga opisyal sa probinsya sa pagpanguna nila Governor Alexander Pimentel, 1st District Cong. Romeo Momo Sr., ug 2nd District Cong. Johnny Pimentel.
Tumang kalipay ang gibati ni Gov. Alexander Pimentel sa pagbisita sa pangulo ilabina nga mi-abot sa 10-mil ka mga benepisyaryo ang nakadawat sa Presidential Assistance to Farmers, Fisherfolk and their Families kon PAFF karong adlawa.
Kini gawas pa sa kapin 9-mil ka mga Surigaonons gikan sa Ayuda para sa Ayuda sa Kapus ang Kita Program kon AKAP sa Department of Social Welfare and Development kon DSWD.
