BUTUAN CITY – Gikumpirma sa China Coast Guard nga nagbangga duol sa Sptratly Islands sa gi-ilugang West Philippine Sea ang usa ka barko sa Pilipinas ug usa nila ka barko.
Kini human gipadayag sa China Coast Guard nga wala matud pa panumbalinga sa replenishment ship sa Pilipinas ang ilang mga warnings ug padayon matud pang mipaduol sa ilang barko hinungdan sa insidente.
Gi-akusahan pa sa Beijing ang nasangpit nga barko nga ilegal matud pang misulod sa ilang teritoryo sa Ren’ai Reef sa ilang Nansha Islands kansa mao ang Spratly Islands sa Pilipinas.
Natigayon kini sukad gipatuman sa China sugod niadtong Sabado, Hunyo 15, ang ilang mga control measures partiuluar ang ‘No Trespass’ policy.
Nasayrang gi-angkon na sa Beijing ang halos kinatibuk-an na sa parte sa kadagatan nga gi-claim usab sa ubang mga nasud sa Southeast Asia apil na ang West Philippine Sea taliwa sa kawala nila’y legal nga basehan.
Nag-deploy na ang China sa ilang coast guard ug ubang mga barko aron magpatrolya sa kadagatan ug gihimo na ang pipila ka mga reefs ngadto sa militarised artificial islands.
