BUTUAN CITY – Mibisita sa Capitol Hill si kanhi United States President Donald Trump ug nakighimamat sa mga Republicans kansa mao ang unang higayon sukad ang gimugnang riot sa iyang mga supporters sa Congress tulo ka mga tuig na ang nakalabay.
Mihatag sa iyang mensahe sa panaghi-usa ang presumptive Republican nominee alang sa presidential election karong Nobyembre ug misaad nga plantsahon ang bisan unsa mang bangi tali sa ilang partido.
Nakigkita usab ang kanhi presidente sa asosasyon sa 200 ka mga corporate leaders.
Sa iyang pagpamulong, mipasalig siyang ibalik na usab ang kanhi imahe sa Amerika nga wala matud pa matutuki sa kasatangang administrasyon.
Samtang gibutyag ni Nancy Pelosi, ang kanhi Democratic House Speaker, si Trump ang nagsugnod sa rebelyon ug mibalik pa sa lugar sa maong krimen.
Gihimo ni Trump ang pagbisita adiser ang iyang criminal conviction tungod sa pag-falsify sa mga business records sa iyang hush-money trial sa New York.
Mi-abot siya sa Republican office building duol sa US Capitol building nga mi-agi sa pipila ka ihap sa mga protesters nga nagkupot sa mga slogans nga duna’y sulat nga “failed coup” ug “Democracy Forever, Trump Never”.
Sigon ni House Speaker Mike Johnson, nagdala ang kanhi presidente og extraordinary amount sa energy ug kadasig.
