BUTUAN CITY – Gibarugan sa Philippine National Police nga gisunod nila ang legal security protocols dihang gi-serve ang arrest warrant batuk kang Kingdom of Jesus Christ leader Pastor Apollo Quiboloy ug lain pang lima sa Davao City.
Lehitimong oprasyon matud pa ang ilang gihimo nga istriktong misunod sa legal security protocols ug duna’y respeto sa tanang nalambigit nga partido.
Ila matud pang gi-ila nga high-profile nature ang subject rason nga gisiguro nila nga igo ang presensiya sa ihap sa kapulisan atol sa operasyon aron mamintina ang kahapsay ug kalinaw ug malikayan ang dili maayong mga mahitabo.
Gawas niini, istrikto usab silang misunod sa guidelines sa PNP Operational Procedures Manual nga naghatag og importansya sa tawhanong katungod ug paglusad sa police operations nga duna’y integridad.
Mi-apela karon ang PNP kang Pastor Quiboloy kinsa nagpabiling at-large nga mutahang malinawon aron tubagon ang mga reklamong gipasaka batuk kaniya.
Kini human gikondena ni kanhi Pangulong Rodrigo Duterte angmatud pa, nasobrahan ug unnecessary force sa kapulisan sa pag-serve sa arrest warrant batuk sa pastor.
