BUTUAN CITY – Hugot nga gitu-uhan ni Senadora Loren Legarda nga dili isolated ang kaso ni Bamban, Tarlac Mayor Alice Guo tungod kay kinahanglang lantawon sa mga magbabalaod ang pagpanghilabot sa ubang mga nasod sa mga ahensya sa panggamhanan ug sa ubang mga piniling opisyal sa Pilipinas.
Dugang sa Senadora, mahimo kining hulga sa seguridad sa nasod sa Pilipinas tungod kay posibleng apil sa politika, dunay nahitabong pagpanghilabot sa mga langyaw.
Pagklaro pa niini, dili lang pinaagi sa pag-ilog sa yuta, dagat, o kaha sa kawanangan ang pwedeng himoon sa mga langyaw sa pag-ilog sa Pilipinas, kundili mamahimong pinaagi sa kultura, ekonomiya ug politika, rasong kinahanglang tun-an nila ang nasangpit nga kaso.
Pagbutyag ni Senador Legarda, musalmot siya sa executive session sunod semana, diin iyagyag sa mga executive heads sa Pilipinas ang mga nakuha nilang impormasyon mahitungod kang Mayor Alice Guo.
