BUTUAN CITY – Kalmado nga tensiyonado karun ang sitwasyon sa Israel.
Kini ang paghulagway ni Bombo International Correspondent Shiela Mae Onod sa pakighinabi ning sibyahan direkta gikan sa Jerusalem, Israel human ang pag-atake sa Iran niadtong Dominggo.
Sumala pa ni Shiella Mae, nagpagawas na og abiso ang gobyerno sa Israel nga wala na matud pay hulga gikan sa Iran rason nga mikalma na ang sitwasyon dili susama niadtong Dominggo dihang nagsugod ang pag-atake sa Iran.
Pabilin silang alerto ug mibati gihapon og tensiyon tungod kay mas delikado matud pa hinoon nga walay madawat nga hulga ang Israel apan duna’y himoong lakang ang Iran.
Gisaysay pa ni Shiela Mae nga mihilak siya niadtong Dominggo tungod sa kahadlok og kabalaka alang sa iyang seguridad ilabina kay unang higayon kadto nga mi-atake ang Iran.
Ang iyang cellphone matud pa nga mo-alert ugaling dunay missile nga muabot sa Israel, nakadawat og halos 30 ka pag-alerto sulod lang usa ka minuto. Bisan paman niini, mapasalamaton siyai tungod kay luwas gihapon sila gikan sa pag-atake sa Iran.
