BUTUAN CITY – Human ang sunod-sunod nga break-up sa mga local celebrities, hot topic karon ang pagka-link ni Bacolod Mayor Albee Benitez sa sikat nga sexy actress-vlogger Ivana Alawi.
Madumdumang nagpadayag na kaniadto si Ivana nga malipayon siya sa iyang non-showbiz boyfriend hangtud nga nakit-an na sila ni Mayor Albee Benitez nga nagka-uban sa Baguio City ug sa Japan.
Dihang gipangutana kalabot niini ang Bacolod Mayor, igo lang kining mipahiyom ug naglingo-lingo.
Una nang gibutyag ni Mayor Benitez nga buwag sila sa iyang asawa, rason nga mas mi-init ug samot ang isyu.
Apan sukwahi kini sa statement nga gipagawas sa iyang asawa nga si Nikki Benitez, tungod kay wala matud pa sila’y bisan unsa mang gihisgutan kalabot sa separation o kaha annulment.
Nakurat matud pa siya sa maong isyu ilabina nga 31 ka mga tuig na silang nag-uban og puyo sa usa lang ka balay isip pagmintina sa pagpuyo nila nga usa ra, bisan pa man sa mga hagit sa kinabuhi.
Wala matud pa ma-usab ang iyang saad nga resolbahon ang mga personal matters nga duna’y dignidad ug respeto aron maprotektahan ang iyang mga anak gikan sa bisan unsa mang sakit nga dala sa maong isyu.
