BUTUAN CITY – Nakalusot na quarterfinals ang Strong Group Athletics kon SGA sa Pilipinas human nila gipildi sa ilang panag-agbat kaganinang kaadlawon ang koponan sa Al Ahli Tripoli sa Libya sa score nga 91-89 rason nga ilang nakompleto ang perfect 5-game sweep sa preliminary round sa 2024 Dubai International Basketball Championship.
Gipahigayon ang ilang dula sa Al Nasr Club – Basketball Court sa Dubai, United Arab Emirates.
Si Jordan Heading ang nanguna sa kulba-hinam nga kada-ugan sa SGA pinaagi sa 19 puntos, apil na niini ang 5-of-11 gikan sa gawas sa kurto uban sa 5 ka assists.
Mihatag usab si Kevin Quiambao ug laing solidong performance, pinaagi sa iyang 17 puntos, ingon man tag-tulo ka rebounds ug assists ug usa ka steal samtang si Dwight Howard naka-abag usab og 17 puntos, 8 ka mga rebounds, 2 ka assists, ug 2 ka blocks.
Si Andray Blatche duna’y 10-puntos, 6 ka rebounds, ug 3 ka assists sa 23-minutos nga dula.
Tungod niini, ang Strong Group na ang top team sa Group B ug duna na’y usa ka adlaw nga paghulay adiser atubangon ang No. 4 team sa Group A alang sa knockout quarterfinals karong Biernes.
Samtang ang No. 2 team sa Group B nga mao ang Al Ahli Tripoli , mu-away usab sa No. 3 team sa Group A.
