BUTUAN CITY – Padayon karung gisuta kung luwas bang gamiton ang ubang pasilidad sa V.G. Plaza Memorial Hospital sa Bunawan, Agusan Del Sur human naigo sa midahiling yuta.
Nasayrang kagahapong adlawa sa dihang midahili ang yuta sa luyong bahin sa maong ospital tungod sa pila ka adlaw nang pagbundak sa ulan nga hatud sa Shearline.
Nadamyos sa maong landslide ang pasilidad nga nagsilbing kwarter sa mga doktor, og ang klinika sa tuberculosis ug HIV samtang daghang mga sakyanan og unom ka single motor usab ang naputos sa lapok samtang kini nakaparada.
Naguba usab ang dalan nga padulong sa maong ospital. Hinoon walay natalang casualties sa maong hitabo. Sumala sa official of the district hospital nga ang pasilidad diin na-admit ang mga pasyente og ang major facilities sa hospital ang wala na-apektuhan.
Sigon ni Alexis Cabardo, tigpamaba sa probinsiyal nga panggamhanan sa Agusan Del Sur nga wala una gigamit ang na-apektuhang pasilidad samtang gihimo sa team gikan sa Provincial Disaster Risk Reduction and Management Office ang imbestigasyon aron masuta ang katibuk-ang damyos sa maong ospital.
