BUTUAN CITY – Tulo pa lang sa 7 ka mga patay’ng lawas nga napalgan kagahapon sa buntag, Enero 7, sa usa ka bakanteng lote sa Sitio Lapao, Brgy Karkum, lungsod sa Sapad, Lanao del Norte ang na-ilhan sa mga otoridad ug nakumpirma sa ilang mga kabanay.
Kini mao sila Joselito Tibud Gaviola, 54-anyos ug residente sa Islamic Sangali, Zamboanga City; Elvie Gaviola Legara, 43-anyos, minyo ug residente sa Purok Dama de Noche, Poblacion, Margosatubig, Zamboanga del Sur ug Marly Cabalan Gaviola, 50 anyos ug residente sa P5, Sangali, Zambonga City.
Padayun pa usab nga gi-ila sa kapulisan ang 4 ka mga patay’ng lawas nga gipangdala ngadto sa Saint Michael Funeral sa Kapatagan, Lanao del Norte dayong awhag sa mga nawad-an og membro sa pamilya nga dalikyatan ang maong punerarya.
Padayon pang gi-ila ang mga responsable sa maong krimen aron masutav kung unsa ang motibo niini.
