BUTUAN CITY – Luwas ang 30 ka mga pasahero sa usa ka sakyanang pandagat gikan sa Brgy. Caub, lungsod sa Del Carmen, Siargao Islands, Surigao Del Norte nga padulong unta sa Surigao City kagahapon alas-8 sa buntag dihang nagka-aberya kini tunga–tunga sa kadagatan.
Sa eksklusibong pakighinabi sa Bombo Radyo Butuan, gibutyag ni Police Lt.Cl. Alvin Gumacal, ang regional chief sa Philippine National Police kon PNP-Maritime Caraga, nakadawat og tawag ang Surigao Del Norte Maritime Police Station ug nagpahibalo kalabot sa maong insidente.
Daling na-rescue ang mga pasahero pinaagi sa Maritime Police Station ubos sa supervision ni PCAPT Alvin John Madrid uban sa koordinasyon sa kapulisan og Philippine Coastguard na nadestino sa lungsod sa Dapa, Surigao Del Norte.
Dugang ni Gumacal, ang pagkaputol matud pa sa wala nga katig sa maong bangka nga hatud sa dili maayong lakat sa panahon ang hinungdan sa maong insidente.
