BUTUAN CITY – Muhimo na og legal nga lakang ang Butuan Transport Federation aron hingpit nang matuldukan ang gihingusgan sa lokal nga kagamhanan ning siyudad sa Butuan nga i-apil sa rekisitos sa pag-renew sa Motorized Tricycle Operator’s Permit kon MTOP ang pagpirma sa mga tricycle driver ug operators sa affidavit of undertaking taliwa nga wala kini maklaro sa city government ngadto sa maong sektor.
Sigon ni Richie Ravelo, presidente sa Eastern Suburb 4-seater Tricycle Operators and Drivers’ Association kon Eastern Suburb 4-seater TODA, nga human gi-angkon ni Butuan City Business Permit and Licensing Office head Ariel Moshi Cahoy nga nasayop siya sa gigamit nga pulong sa Affidavit of Undertaking, gipasa na nila ngadto sa Mayor’s Office ang pagdesisyon niini nga maoy naghatag kanila og kabalaka nga for implementation pa gihapon kini.
Kini ilabina nga ang ilang pagduso niini nga isyu ngadto sa Sangguniang Panlungsod, naghangyo lang og lugway sa ilang renewal sa MTOP aron dili mapenaltihan.
