BUTUAN CITY – Nasikop sa kapulisan ang laing High-Value Individual (HVI) human kini nakuhaan og balor 102-mil pisos nga suspected shabu sa nakalabay nga adlaw sa Barangay Ampayon ning siyudad sa Butuan.
Naila ang suspetsado nga si Arnold Demecillo, 41-anyos kinsa nalista watch-listed isip tigpayuhot sa ginadiling drogas.
Gisikop kini sa mga ginsakupan sa Drug Enforcement Unit sa Regional Intelligence Division 13 kauban ang Butuan City Police Station 4, og Philippine Drug Enforcement Agency 13. Mu-abot sa gibana-banang 15 gramos sa shabu ang nakumpiska kauban ang 25-mil pesos nga cash og uban pang drug paraphernalia gikan sa posisyon sa suspect atol sa buy-bust operation.
Base sa intelligence report, na-monitor kini sa kapulisan nga namaligya og ilegal nga drogas sa Agusan del Sur og Butuan City. Kini na ang ika-upat nga High-Value Individual nga nasikop sa kapulisan kauban ang 10 ka street level individuals sa miaging semana dinhe sa Caraga.
Pamatood matud pa kini sa tinguha sa PRO13 personnel nga tuldukan ang problema sa illegal drugs sa rehiyon.
