BUTUAN CITY – Wala pa’y alas-sais ning buntaga, gisugdan ang walk-in pre-registration sa Civil Service Commission kon CSC-Caraga alang sa ilang face-to-face paper and pencil test karong Agusto 20, aron ma-accommodate na ang kagabii pa lang nagsugod paglinya sa gawas nga bahin sa SM City Butuan nga mga aplikante.
Kini aron maka-apas pa sa pagpanghatag sa Priority Numbers kansa first-come-first-served basis alang sa ilang gitagana nga 8-mil ka slots sa eksaminasyon.
Gihimo ang pagpanghatag sa priority numbers diha sa entrada nga bahin sa Gate 1 sa maong mall.
Sigon ni Marilyn Yballa, ang chief Human Resource Specialist sa CSC-Caraga, sugod usab karong adlawa hangtud sa Mayo 25 ang filing sa examination applications.
Nanawagan siya sa tanan nga gustong mukuha sa eksaminasyon karong Agusto 20 nga mulinya na usab pagsugod tungod kay bisan sila wala masayod kung hatud kanus-a mahurot ang priority numbers nga ilang gitagana alang sa 8-mil ka slots sa eksaminasyon.
