BUTUAN CITY – Nanghugyaw sa kalipay ang katawhang nakasaksi sa pagpanganak sa usa ka ginang sa usa sa mga cottages sa beach resort sa Brgy. Caasinan, Cabadbaran City kaganinang buntag.
Base sa Facebook post ni Mark Anthony Bernat nga maoy nakakuha og video atol sa delivery, halos nag-ampo na silang tanan dihang luspad na nga migawas ang bata tungod kay nalangay matud pa ang paggawas niini.
Nagkamulo og dinagpiay sa samputan nga bahin sa bata ang mga nanabang aron lang kini makahilak rason nga nanghugyaw sila sa kalipay samtang ang uban nakahilak usab dihang mihilak na ang maong bata.
Ubay-ubay nga pangalan gilayon ang gisugyot sa mga netizens kondiin kadaghanan nagsugyot og duha ka pangalan nga dunay Easter o Esther tungod kay natawo man kini sa Easter Sunday.
