BUTUAN CITY – Gideklarang dead-on-arrival sa attending physician sa Agusan del Norte Provincial Hospital ang usa ka 5-anyos nga batang babaye, residente sa Purok 10, Tambak, Lower Doongan human kini nagrabehan dihang nabanggaan sa usa ka motorsiklo kaganinang alas-8:45 sa buntag sa may Purok 4 Lower, Brgy. Doongan ning siydad sa Butuan.
Base sa imbestigasyon sa Butuan City Police Station 2, mitabok matud pa sa pedestrian lane ang biktima dihang nabanggaan kini sa motorsiklong gimanehuan ni Regy Densing Tambor, 26-anyos, ulitawo ug residente sa Purok Tinago, Brgy. Agusan Pequeño ning siyudad.
Maayo matud pang pagkabundak sa biktima sa sementadong kalsada nga miresulta sa pagka-angkon niya og grabe nga injury sa iyang ulo ug lawas hinungdan nga wala na kini maka-abot pang buhi dihang nahidangat sa ospital pasado alas-9:05 sa buntag.
Gidala usab sa Butuan Medical Center ang suspetsado nga nagpa-alim na karon sa iyang na-angkong injury samtang ang iyang motorsiklo, anaa na sa kostudiya sa BCPS2 alang sa tukmang disposasyon.
