BUTUAN CITY – Ang pambato sa Pilipinas nga si Erik Lennart Visser maoy gikoronahan isip Mr. Universe Tourism 2023 sa pageant nga gipahigayon niadtong Dominggo sa Bali Nusa Dua Theatre sa Bali, Indonesia.
Ang 24-anyos nga Filipino-Dutch model ug psychology graduate sa Silliman University sa Dumaguete City, gita-uran og sash ingon man korona sa iyang nasundan nga si Surasak “Tor” Muangkeaw sa Thailand.
Samtang ang pambato sa Spain nga si Francisco Jose Merida Moyano maoy first runner-up samtang ang pambato usab sa Vietnam nga si Huynh Vo Hoang Son ang second runner-up.
Ang kompetisyon karong tuiga mao pa ang ika-upat nga edisyon sa international male pageant wnga nahunong og tulo ka tuig tungod sa COVID-19 pandemic.
Nasayrang dili na bag-o sa pageantry ang bag-aong Mr. Universe Tourism tungod kay nakadaug na kini isip Ginoong Pilipinas 2019 kon Mister Philippines ug nahimong unang finalist sa Century Tuna Superbods 2022.
