BUTUAN CITY – Garbo kaayo ang mga Caraganons ilabina ang mga Butuanons human nakasakmit og silver ug bronze medals ang internationally-acclaimed rhythmic gymnast nga si Breanna Labadan sa kompetisyong iyang gi-apilan sa Hungary.
Sa eksklusibong pakighinabi sa Bombo Radyo Philippines, gipadayag sa 16-anyos nga rhythmic gymnast nga nakakuha siya og bronze medal alang sa club event samtang silver medal usab sa ribbons event sa gisalmutan niyang 2023 International Rhythmic Gymnastics Tournament -Gracia Fair Cup sa Budapest Hungary.
Gipadayag niini nga sa edad pa lang nga 11-anyos nabuwag na siya sa iyang mga ginikanan tungod sa mga international competitions nga iyang na-apilan.
Ang homesick matud pa ang nag-una niyang kaaway sa matag-training ug kompetisyon ilabina nga dependent kaayo siya sa iyang mga ginikanan.
Sa pagkakaron, nangandam na usab siya sa lain pang mga kompetisyong iyang apilan karong tuiga sa Estonia, Greece ug Azerbaijan.
