BUTUAN CITY – Malampusong naluwas sa ginsakpan sa Philippine Coast Guard ang usa ka wala pa mailang babaye human kini mi-ambak og kalit sa may Agusan River sa Brgy. Lapu-Lapu ning siyudad kaganinang buntag duol lang sa ilang buhatana ug sa City Disaster Risk Reduction and Management Office kon CDRRMO.
Sigon sa nakasaksi sa maong hitabo nga si Dan, residente sa maong dapit, nagtuo siya nga maligo lang kini sa suba human mi-ambak ug kalit kondiin nakatunga pa ang ulo niini paglabay sa pila ka minuto.
Subli matud pa kining misalom ug wala na mitunga pa rason nga nagpakitabang na siya sa taga-Coast Guard ug gihimo gilayon ang pagpangita sa biktima.
Milungtad pa og pila ka minutos adiser nakita ang ulo sa biktima nga nasangit sa nagtapok nga water lily kondiin dali kining gihaw-as ug gisakay sa rescue boat ug gita-uran una og oxygen adiser gidala sa ospital.
